‘’Fushata po krijon tymnajë për trafikantët e drogës’’, ky ka qenë paralajmërimi i Klveis Balliut, kandidatit për deputetë të PD-së në Qarkun e Korçës. Në një reagim në rrjetet sociale Balliu shkruan se pas mohimit që qeveria socialiste i kishte bërë situatës së drogës, në janar vendosi krijimin e task-forcës.
Duhet thënë se situate e drogës dhe kanabisit ka qenë një nga më të debatuarat e muajve të fundit në vend. Edhe pse në fushatë duket se gjuha e opozitës është zbutur pak përsa i përket situatës, nuk mendon të njëjtën gjë Balliu.
STATUSI I BALLIUT:
Kultivimi masiv i hashashit!
Qeveria socialiste, pasi mohoi se vendin nuk e kishte kapluar hashashi, vendosi në janar ngritjen e një tjetër task-force për të ndaluar mbjelljen këtë vit të saj. Rama bëri be e rrufe se nuk do lejohej më mbjellja e Shqipërisë me drogë, ndaj gjithë këto muaj jemi dëshmitarë të aksioneve dhe “krehjeve të zonave” nga policia. Rezultati i gjithë këtyre (gjasme) aksioneve? Këtë vit policia ka kapur shumë herë më pak bimë kanabis të mbjella se në vitin e “begatë” 2016!
Nëse në pesë muajt e parë të vitit që kaloi policia gjeti dhe asgjësoi rreth 180.000 bimë kanabis, për të njëjtën periudhë të këtij viti ajo ka asgjësuar vetëm 25.000. Shtoi kësaj papërgjegjshmërie kriminale të policisë së kapur të (pu)shtetit edhe perceptimin se në një vit elektoral nuk e ka kush mendjen për punë policore por zgjedhore dhe kështu do të kuptosh pse ky vit pritet të jetë edhe më i begatë!
Kriminelët e veshur me kostum qeveritar po shfrytëzojnë tymnajën trullosëse të batutave kryeministrore për një hyxhym të fundit para humbjes së pushtetit më 25 qershor. Prandaj ndaleni me votë kriminalizimin e ekonomisë! (E.K/SHUPLAKA)
Discussion about this post