”Zgjedhjet e lira kusht kryesor për hapjen e negociatave në BE”, thotë kryedemokrati Lulzim Basha, duke perifrazuar diskutimet në Komisionin e Jashtëm të Parlamentit Europian.
”Plani i Edi Ramës për të manipuluar, vjedhur dhe shkatërruar zgjedhjet është rrënues për vendin”, ka deklaruar më tej Basha.
”Zgjedhjet e lira janë kusht kryesor për hapjen e negociatave të BE-së me Shqipërinë. Rezoluta e djeshme e Komisionit të Jashtëm të Parlamentit Europian e ka theksuar edhe një herë zyrtarisht këtë gjë.
Ky kusht vërteton edhe një herë se plani i Edi Ramës për të manipuluar, vjedhur dhe shkatërruar zgjedhjet është rrënues për të ardhmen e vendit dhe për stabilitetin e Shqipërisë.
Katër vjet qeverisje nga Edi Rama e ka detyruar Evropën t’i vendosë Shqipërisë një kusht elementar demokratik: zgjedhjet e lira.”, shkruan kreu i PD-së.
Zgjedhjet dhe reforma për to ka qenë theksi edhe i kreut të LSI-së Ilir Meta ditën e djeshme me gazetarët. Po kështu demokratët kërkojnë me ngulm para zgjedhjeve votimin elektronik për ët cilin ish-kreu i grupit parlamentar të LSI-së Petrit Vasili u shpreh dje se nëse është i realizueshëm të bëhet menjëherë. (V.G/SHUPLAKA)
