“Bashaaaa” e thërrasin të rinjtë nga lokali, si i përgjigjet kryedemokrati (SHQETËSIMET E BANORËVE)

Cep më cep Tiranës për të takuar një e nga një qytetarët në njësi të ndryshme të kryqytetit. Kjo është fushata që po ndjek këto ditët e fundit kreu i demokratëve Lulzim Basha. Nuk ka preferuar mitingje të mëdha, po është ndalur biznes më biznes për të dëgjuar qytetarët.

Sot ka zgjedhur njësinë numër 7-të i shoqëruar nga kandidatja për deputete Albana Vokshi.

Ndërkohë që shumica e qytetarëve shprehen se ekonomia ka rënë, dikush tjetër i shpreh dhe shqetësimet në lidhje me pagat, ka dhe disa të rinj që e marrin më me sportivitet.

“Bashaaaa”, dëgjohet të thërrasin ata nga një lokal buzë rrugës. Ndërkohë që nuk ka munguar as kundërpërgjigja e kryedemokratit që iu thotë “në stazh vitin tjetër”.

Stazhi i paguar për të rinjtë është një nga premtimet elektorale të Bashës nëse vjen në pushtet për vitin e ardhshëm. (E.K/SHUPLAKA)