Presidenti i Sirisë, Bashar al-Assad ka deklaruar së fundmi se qeveria siriane është e gatshme të nëgociojë, edhe nëse këtu duhet marrë në konsideratë mundësia e dhënies së dorëheqjes nga ana e tij.
Ai u shpreh se nëse rebelët në Siri bien dakord për bisedime, Assad është i gatshëm të japë dorëheqjen për të zgjidhur krizën.
Bisedimet e ndërmjetësuara nga aleati i Sirisë, Rusia, pritet që të zhvillohen në Kazakistan në fund të muajit Janar. Në komentet e bëra për mediat franceze, Bashar al-Assad u shpreh se armëpushimi në mbarë vendin ishte shkelur disa herë nga rebelët.
“Nëse opozita dëshiron, jam i gatshëm të jap dorëheqjen si president. Një kërkesë kjo ku rebelët kanë këmbëngulur gjatë zhvillimit të konfliktit. Por theksoj se pozicioni im është i lidhur me Kushtetutën. Dorëheqja ime duhet të kalojë në referendum popullor.”, mësohet të ketë thënë Assad. (XH.A/SHUPLAKA)
Discussion about this post