Lideri sirian Bashar al Assad, nëpërmjet një videomesazhi në Twitter për “çlirimin” e Aleppo-s nga forcat anti-qeveritare, ka deklaruar se “historia e Aleppo-s po shkruhet”.
“Ajo që po ndodh sot është shkrimi i një historie nga çdo qytetar sirian. Shkrimi nuk ka filluar sot, por gjashtë vjet më parë, kur filloi kriza dhe lufta kundër Sirisë.”, është shprehur presidenti sirian.
Assad shtoi se Siria, rajoni dhe situata ndërkombëtare do të jenë të ndryshme, pas asaj që ai e quante “çlirimi i Aleppo”.
Çlirimi vjen pasi qindra civilë filluan të largohen në lindje të Alepos, të drejtuar për në zonat e mbajtura nga rebelët jashtë qytetit, si pjesë e një marrëveshje të armëpushimit.
Imazhet në televizionin publik sirian kanë treguar të paktën 17 autobusë dhe 10 ambulanca që po evakuonin banorët e bllokuar.
Sipas Fox News, një zyrtar sirian është shprehur se 951 njerëz, duke përfshirë gratë, fëmijët dhe të plagosurit, janë evakuuar në autokolonën e parë.
I njëjti numër evakuimesh pritet të bëhet edhe sot, sipas Kryqit të Kuq.
Një numër i ngjashëm pritet të largohet në një konvoj sot më vonë, tha se Kryqi i Kuq.
