Kreu i shtetit Ilir Meta ka deklaruar mbrëmjen e sotme se pas dy ditësh do të thërrasë Këshillin e Sigurisë Kombëtare ku të ftuar për të marrë pjesë janë kryeministri Edi Rama dhe kreu i opozitës, Lulzim Basha.
Meta tha në “Open” se edhe ky i fundit duhet të marrë pjesë për të dëgjuar se çfarë masash ka marrë qeveria si dhe për të shprehur pikëpamjet e tij në lidhje me situatën e krijuar nga pandemia e koronavirusit
Sipas Kreut të Shtetit, është koha për gjithëpërfshirje dhe jo për të nxjerrë përfitime politike nga askush.
“Uniteti perballe pandemise ka qene qasja ime qe me fillimin e kesaj pandemie. Besoj qe pas dy ditesh do therras mbledhjen e Keshillit te Sigurise ku do ti bej ftese edhe z.Basha qe te shprehe aty disa nga pikepamjet e tij dhe te njihet me masat qe jane marre nga qeveria. Qasja duhet te jete gjithperfshirese. Nuk eshte koha per te nxjerre perfitime politike nga askush”, tha Meta.
(F.GJ/FAXWEB.AL)
