Çdo pensionist bashkë me shpërblimin e fundvitit do të marrë edhe një letër, e cila është shkruar nga vetë kryeministri Edi Rama.
Në brendësi të letrës, kreu i qeverisë shkruan se, është i bindur që as rritja e pensioneve dhe s shpërblimi nuk mjaftojnë për të përmbushur gjithë nevojat që ka një pensionist shqiptar, por qeveria që ai drejton do përpiqet me mish e me shpirt për më shumë në të ardhmen.
LETRA E PLOTË:
“I/E dashur
Shpresoj që kjo letër t’ju gjejë mirë
Dua të dini që jam shumë i vetëdijshëm për vështirësitë Tuaja dhe sot ndjehem mirë që mund të ndaj me Ju, një rezultat të parë, konkret të reformave tona të thella e të vështira. Do të rrisim +3% pensionin tuaj duke nisur nga 1 Marsi i vitit që vjen. E di që nuk mjafton! Me këtë vetëdije, në prag të Vitit të Ri, kemi ndarë mënjanë për çdo pensionist 6.000 lekë të reja! Kjo është shuma më e madhe e dhënë ndonjëherë në vigjilje të festave të fundvitit nga qeveria për pensionistët.
Edhe kjo e di që nuk mjafton për të qenë të qetë në raport me nevojat Tuaja. Por jam i bindur në mirëkuptimin Tuaj dhe dua të dini se do vazhdojmë përpjekjet, me mish e me shpirt, që të bëjmë edhe më shumë në vazhdim.
Ju uroj nga zemra Gëzuar Vitin e Ri, me shëndet e plotë të mira për Ju e për të afërmit Tuaj“.
Discussion about this post