Ashtu si ishte paralajmëruar edhe dje forumet rinore të partive politike në vendin tonë kanë nisur protestën në mbështetje të Ramush Haradinajt. Kjo është protesta e parë që zhvillohet për këtë kauzë në vendin tonë.
Ndërsa flitet për një protestë paqësore, të rinjtë e formumeve politike besojnë se: “Mbajtja e Z. Haradinaj në paraburgim në Francë, për shkak të një fletarresti të lëshuar nga Serbia në vitin 2004 është e papranueshme dhe një fyerje për çdo shqiptar. Ne besojmë po ashtu se është detyrimi ynë që të reagojmë ndaj kësaj padrejtësie që nuk prek një individ, por çdo shqiptar, në Kosovë, Shqipëri, në diasporë. Prandaj ju ftojmë të na bashkoheni edhe ju për të ngritur zërin deri në lirimin e Z. Ramush Haradinaj”.
Protesta e tyre bëhet një ditë para se Haradinaj të dalë në sallën e gjyqit. Jo vetëm në Kosovë e Shqipëri, por edhe në shumë vende të ndryshme të botës, aty ku ka shqiptarë, janë zhvilluar protesta për lirimin e e ish-kryeministrit të Kosovës dhe kreut të AAK-së. (E.K/SHUPLAKA)
Discussion about this post