Pak ditë më parë në emisionin investigativ “Ajsberg” në Fax News i gazetarit Artur Çani, një ish-polici ka denoncuar një ngjarje e cila ka ndodhur në Shtator të vitit 1992 në fshatin Vrion, në oborrin e kishës ku plagosjen e ka kryer ish-polici, sot anëtar i Këshillit të Lartë të Prokurorisë, Tartar Bazaj.
Veç plagosjes pak kohë më parë Çani publikoi një investigim tjetër, ku Bazaj kishte falsifikuar dokumentet e arsimit të tij të mesëm.
Por këto investigime kanë nxitur reagimin e bashkëfshtarëve të Krahinës së Kudhës Grehotit ose Sevasterit të Rrethit Vlorë të cilët i kanë cilësuar këto invetigime si sulme dhe cënime ndaj “djalit të krahinës së tyre”.
Madje ato kërkojnë të merren masa nga “UGSH” ndaj gazetarit Artur Çanit, që kreu investigimit duke kërcënuar, se “do ti dalin zot vetë ti dalin krahë birit të krahinës së tyre”.
Në një letër drejtuar kryetarit të Unionit të Gazetarëve Shqiptar, shkruhet ndër të tjera se: “Me zotesine e tij arriti te shkollohej here me buke dhe here pa buke duke u bere gjyqtar dhe me pas avokat duke ngritur Studion Ligjore “BAZAJ”, te paren dhe te vetmen ne jug te Shqiperise.”
Sipas tyre ato ndihen të fyer si krahinë pasi “qe nga muaji janar i ketij viti dhe deri me sot nga disa persona te dyshimte po shpifet pa kriter per te denigruar birin e krahines tone me te cilin ne jemi krenar.Fillimisht e denigroi sikur nuk kishte mbaruar shkollen e mesme dhe tani e ka bere sikur te jete vrases.Z.Kryetar:Ndihemi te fyer si krahine me emer dhe me kontribute ku nje gazetar ordiner dhe kushedi nga paguhet te denigroj bijte me te mire te vendit.Ju sigurojme se ne jemi te zot qe sic i kemi dale vendit per zot i dalim ne krahe edhe birit tone te krahines dhe te Vlores.
Letra e plotë
I nderuar Kryetar i Unionit te Gazetareve Shqiptar: Ne qe po ju shkruajme jemi perfaqesuesit e Krahines se Kudhes Grehotit ose Sevasterit te Rrethit Vlore. Me keqardhje te madhe konstatojme se gazetari investigativ Artur Cani ma disa muaj qe po na cenon djalin e krahines tone Z.Tartar Bazaj i cili eshte zgjedhur nga Kuvendi Shqiptar si Anetar i Keshillit te Larte te Prokurorise. Ka disa muaj qe ky person i dyshimte punon kunder reformes ne drejtesi dhe kunder bijeve me te mire te vendit. Na lejoni te bejme nje rezume te z.Bazaj.Tartar Bazaj rrjedh nga nje familje e madhe me kontribut patriotik brez pas brezi qe nga koha e Tanzimatit. Nga ajo dere kane dale shume pinjoll me kontribute te medha kombetare si drejtues te luftes se Karadakut ,Valinje,ushtarak te larte dhe jurist te shquar qe ne kohen e turqise,Kryepleq te Krahines me kontribute, Shenjtore,niper dhe sterniper me emer si ish-Komandant i Luftes kunder grekut ne Bolene te Vlores Kapedan Sali Shehu si nip i familjes Bazaj,ish-Komandant i Pergjithshem i Luftes se Vlores ,deputet dhe me pas Kryeminister Qazim Koculi,ish-Kryeministri vendit Mehmet Shehu,ish-Shef i Logjistikes (Kryeintedent)i luftes se Vlores me 1920 Ahmet Aliko,deri edhe ish-Komandanti i larte i UCK ne Drenice te Kosoves Naim Bazaj i cili i rrethuar me njerezit e tij ka thyer ushtrine serbe ne Skenderaj Drenice etj.Nga ajo dere dhe nga kjo krahine burrat e saj kane dhene kontribute kombetare qe do ta kishin zili vende te zhvilluara.Por cuditerisht familja Bazaj edhe pse meritonte te ngrihej,gjate kohes se komunizmit u persekutua per 45 vjet.Te njejtin fat pati edhe Tartari si bir dhe nip i armiqve te popullit.Me zotesine e tij arriti te shkollohej here me buke dhe here pa buke duke u bere gjyqtar dhe me pas avokat duke ngritur Studion Ligjore “BAZAJ”, te paren dhe te vetmen ne jug te shqiperise.Mirepo qe nga muaji janar i ketij viti dhe deri me sot nga disa persona te dyshimte po shpifet pa kriter per te denigruar birin e krahines tone me te cilin ne jemi krenar.Fillimisht e denigroi sikur nuk kishte mbaruar shkollen e mesme dhe tani e ka bere sikur te jete vrases. Z.Kryetar:Ndihemi te fyer si krahine me emer dhe me kontribute ku nje gazetar ordiner dhe kushedi nga paguhet te denigroj bijte me te mire te vendit.Ju sigurojme se ne jemi te zot qe sic i kemi dale vendit per zot i dalim ne krahe edhe birit tone te krahines dhe te Vlores.Mendojme se do te kete reagim nga ana juaj sa me shpejte te jete e mundur.Ky gazetare quhet Artur Cani. PARIA E KRAHINES SE KUDHES GREHOTIT (SEVASTER-VLORE).Sevaster me 03.10.2019.
Discussion about this post