Në drekën e organizuar sot me veteranët dhe familjarët e dëshmorëve, kryeministri Edi Rama nuk i ka kursyer batutat me nota ironie ndaj Presidentit të ri të Shqipërisë, Ilir Meta, si në fillim dhe në mbyllje të fjlaës së tij.
“Më vjen shumë mirë që jemi këtu së bashku me Presidentin e zgjedhur, deri para pak ditësh bashkëkryetar i një aleance që është krenare për vendosjen e dinjitetit të nëpërkëmbur dhe vendosjen në vend të raporteve që duhet të ketë çdo qeveri e Shqipërisë pavarësisht kahjeve politike.” u shpreh fillimisht Rama.
Pasi u ndal në punën e qeverisë, e cila arriti “të bëjë disa gjëra konkrete lidhur me trajtimin e veteranëve dhe pensionistëve në përgjithësi”, ai e ftoi Metën të marrë fjalën në drekën e organizuar.
“Më vjen mirë që kam priviligjen t’i jap fjalën Presidentit të zgjedhur që falë talentit të tij politik ka arritur të jetë përfaqësuesi i joni dhe i palës tjetër, gjë që ai nuk e mohon, por me kohë do fillojë ta pranojë.”, tha kryeministri në fund, duke vënë theksin tek raporti i Metës me opozitën.
(XH.A/SHUPLAKA)
Discussion about this post