Bashkëpunëtori i Ledina Çelos: Vajzë e shkëlqyer, mos lejoni stilistë të pafytyrë të bëjnë shaka të tilla

Paraqitja e mbrëmshme e Ledina Çelos në skenën e festivalit të këngës në RTSH, është kritikuar dhe ka ngjallur reagime të shumta.

Veshja e saj u quajt skandaloze dhe aspak e përshtashme dhe normale për seriozitetin që ka ky festival.

Gazetari Edi Oga, bashkëpunëtori i Ledina Çelos ka reaguar duke mbrojtur këngëtaren dhe madje ai kërkon që asnjë stilist nuk duhet lejuar që të tallet dhe të bëjë shaka të tilla.

“Ledina është vajzë e shkëlqyer dhe shumë serioze në punë. Kemi punuar bashkë në Festivalin e 42-të ku ajo prezantonte si partnere e Adi Krasta-s. Ju lutem mos lejoni stilistë dhe rrobaqepës të pafytyrë të bëjnë shakara të tilla me të, në eventin kulturor më të rëndësishëm kombëtar!”- shkruan gazetari Oga. (MD/SHUPLAKA)