Kryetari i Partisë Demokratike, Lulzim Basha dhe Kryetarja e LSI-së, Monika Kryemadhi të pyetur në linjë telefonike nga Blendi Fevziu në emisionin “Opinion” se a do të ketë bashkëpunim mes PD-së dhe LSI-së pas situatës së krijuar në Kuvend, janë përgjigjur se PD dhe LSI po rakordohen së bashku për të bashkëpunuar mbi agjenda që kanë interes qutetarët kundër Ramës që të dy e kanë konsideruar të lidhur me krimin.
Fevziu: A do të ketë bashkëpunim ndërmjet PD-së dhe LSI-së?
Basha: Pozicioni ynë përcaktohet ndaj interesit të qytetarit, kërkon një opozitë të fortë ndaj krimit, PD e ka luftuar edhe në mandatin e saj, duhet të ngrihen të gjithë në këmbë, po vriten njerëzit në rrugë.
Më vjen mirë që e shoh Kryemadhin në këtë llogore, është interes i qytetarëve dhe bashkëpunimi do të vazhdojë mbi bazën e interesit të qytetarit.
Kryemadhi: Grupet kanë filluar të rakordohen, që në seancën e kaluar për vetingun ishte hapi parë, për sa i përket bashkëpunimit do ketë në vijim, kërkon kohë.
Mbështes Bshën për Ruçin pasi të drejtën për procedurë po e shkel çdo herë, të njëjtën gjë e bëri me Vasilin javën e kaluar, kjo sjellje vjen nga arroganca dhe krimi. Po shkojmë drejt diktaturës.
Basha dhe Kryemadhi njëzëri u shprehën se duhet një bashkëpunim i fortë dhe të gjithë duhet të ngrihen pasi vendi po qeveriset nga krimi. (B,H/Shuplaka)
