Bashkëpunoi për vjedhjen e firmës së inerteve, arrestohet 53-vjeçari me detyrë roje e këtij objekti

Një shtetas me banim në Tapizë të Krujës është vënë në prangat e policisë lidhur me tentativën për vjedhje regjistruar një ditë më parë në një firmë inertesh në zonë, ku i ndaluari ishte planizuar në shërbim për ruajtje.

Është kryer arrestimi i shtetasit Gëzim Llani 53 vjeç, banues në Tapizë, Krujë, me detyrë roje objekti  në një  firmë inertesh.

Autorët e kësaj tentative, nuk mundën të grabisnin gjë nga Zyrat e Administratës së firmës për shkak se aty nuk kishte vlerë monetare.

Detaje të policisë:

Specialistët për Krimet në Komisariatin e Policisë Krujë arrestuan në flagrnacë shtetasin:

• Gëzim Llani 53 vjeç, banues në Tapizë, Krujë, me detyrë roje objekti  në një  firmë inertesh.

Më datë 05.02.2017, gjatë natës, në Tapizë, Krujë, persona të paidentifikuar  kanë  tentuar të vjedhin Zyrat e Administratës së firmës ku G.Llani ishte I planizuar në shërbim për ruajtje, duke thyer derën  dhe  hapur me forcë kasafortën.

Autorët nuk kanë marrë gjë pasi nuk ka patur vlera monetare.

Specialistët për Krimet vijojnë punë për identifikimin dhe kapjen e autorëve.

Materialet I kaluan Prokurorisë së Rrethit Gjyqësor Krujë për veprime të mëtejshme për veprën penale”Shpërdorimi I detyrës”në ngakrim të shtetasit G.llani  parashikuar në nenin 248  të Kodit Penal dhe “Vjedhja” parashikuar në nenin 134/1  të Kodit Penal.

(XH.A/SHUPLAKA)