Siç ishte paralajmëruar më herët nga Rama që pas fitores së zgjedhjeve të 2017-ës, ka nisur dhe bashkëqeverisja me popullin, kësaj here online.
Në një lidhje me Skype, që sigurisht transmetohet live në Facebook-un e Kryeministrit, një grup mësuesish dhe prindërish po bashkëbisedojnë me Ramën për problemet në sistemin arsimor.
Fjalën e ka marrë Kryeministri dhe ka thënë se problemet që adresohen në platformë shkojnë tek personat përkatës.
Rama ka theksuar rëndësinë e kësaj platformë të re, dhe në format krejt ndryshe nga 4 vjeçari i parë.
Ai shtoi se qeveria e ka seriozisht bashkëqeverisjen me njerëzit e zakonshëm megjithëse gjatë dialogut me mësuesit dhe prindërit nuk dha asnjë zgjidhje për problemet e tyre.
“Në platformë jo vetëm ankesa, por edhe propozime. Gjithmonë ka qenë problem mbingarkesa mësimore. Qytetarët kanë qenë gjithmonë të zhgënjyer nga neglizhenca. Bashkëqeverisja me njerëzit e zakonshëm, është diçka konkrete. Ne e kemi seriozisht.” tha Rama.
(F.G/Faxweb)
Discussion about this post