Prej disa ditësh Elona Gjebrea, deputetet e PS-së dhe zëvendësministre e mbrojtjes është vënë në qendër të akuzave, për lidhjet e mundshme që ajo ka bërë me Habilajt. Vetë ajo ka mohuar ccdo lidhje dhe thotë se është e gayshme që të dëshmojë edhe në Prokurori.
Po nuk mbaron me kaq historia…Arian Viktor Hoxha, bashkëshorti i deputetes Elona Gjebrea është deklaruar fajtor për veprën penale të falsifikimit të dokumentave shtetërorë dhe gjykata e ka dënuar me 8 muaj e 25 ditë heqje lirie.
Kjo nuk do të kishte ndoshta asnjë efekt për karrierën e zonjës Gjebrea nëse bashkëshorti i saj nuk do të punonte rreth tre vite më parë si këshilltar i ministrit Gjiknuri dhe me këtë rast i është dashur të dorëzojë formularin e vetëdeklarimit.
Pikërisht në këtë moment, zoti Hoxha është bërë subjekt verifikimi nga sektori i dekriminalizimit, ku pas verifikimit është konstatuar se ai nuk e ka deklaruar dënimin, sipas detyrimit ligjor që kanë të gjithë zyrtarët e administratës publike, shkruan ‘’Opinion”.
Dosja e tij i është përcjellë më tej Prokurorisë së Tiranës, ndërsa dy vitet e fundit bashkëshorti i deputetes Gjebrea punon për një projekt shumëmilionësh të Bankës Botërore me OSSHEE.
Pra, përveç se i dënuar, bashkëshorti i zonjës Gjebrea ka mashtruar me vetëdeklarimin, akt që ka çuar në heqjen e mandatit për disa deputetë apo kryetarë bashkie.
(E.K/Faxweb)
FORMULARI I DEKRIMINALIZIMIT:
