Arjan Prifti, bashkëshorti i Dhurata Priftit i zhgënjyer nga drejtësia. Prokuroria kërkon vetëm 10 vjet burg për djalin që i vrau bashkëshorten, Andrea Memollari.
Kjo është situata sot pas seancës së dhimbshme me Arjan Prifti, i cili humbi gruan në një aksident tragjik rrugor vitin e kaluar nga i riu në timon Andrea Memollari.
”Dua të njoftoj që nesër më dt.17 zhvillohet gjyqi i Andrea Memollarit KRIMINELIT që MASAKROI përpara djemve të mi të mitur LATEN bashkëshorten time që prehet në parajsë.
Gjyqi zhvillohet tek gjykata, mbrapa gjykatës së krimeve të rënda në krah të Arshivës së Shtetit.
Kush e ka mundësinë dhe ata që kanë ndjerë ndopak dhimbje për këtë ngjarje makabër është i lutur të jetë prezent para gjykatës për të treguar se dënimi dhe gjykimi që po i bëhet këtij KRIMINELI është një vrasje për së dyti e Dhuratës. Ligji thotë se dënohet 3 deri në 10 vjet, dhe me gjykimin e shkurtuar që kërkoi avokati i vet 7 vjet, por unë kam frikë se do ia ulin prapë se nuk e di se çfarë do ndodhi nesër se më kanë ardhur informacione që familja e kriminelit pa kërkuar falje akoma, bile që ditën që varrosej bashkëshortja ime e ndjerë dhe deri me sot kanë rendur lart e poshtë me çantë me pare për t’ia ulur dënimin.
Të më falni edhe njëherë për shqetësimin që i ndava me ju këto fakte dhe ju uroj të gjithëve veç të mira të keni në familjet tuaja. Me respekt Arjan Prifti. Gjyqi bëhet në oren 12 e 30 .”, lajmëronte me dhimbje dje Arjan Prifti, bashkëshortja e të cilit u aksidentua mes Tiranës dhe la pas fëmijë të mitur. (V.G/SHUPLAKA)
