Ura lidhëse dhe unaza e qytetit të Klosit janë në gjendje shumë të rënduar. Çdo ditë qytetarëve të kësaj zone iu duhet të përballen me vështirësitë në qarkullim.
Vetë kryebashkiaku i Klosit Basir Çupa ka apeluar për ndihmë nga ana e Ministrisë. Ai shpreson dhe beson se këto dy vepra të rëndësishme për frymëmarrjen e qytetit të jenë të parashikuara në buxhetin e vitit të ardhshëm.
‘’Unaza e klosit vazhdon të jetë në gjendje tepër të rënduar për shkak se në të kalojnë mjete të tonazhit të lartë, ndërsa ura në hyrje të qytetit rrezikon të shembet pas dëmit që pësoi nga shirat e 8 Nëntorit të kaluar’’, është shprehur ai ndër të tjera.
