Në kuadër të masave ndaj koronavirusit Bashkia Lezhë ka filluar zbatimin e paketës ekonomike të deklaruar edhe më herët nga Kryeministri Edi Rama.
Këshilli Bashkiak Lezhë në një mbledhjen të jashtëzakoshme e cila u zhvillua online sot pasdite, si masë mbrojtëse dhe zbatim i rregullave për mbrojtjen nga koronavirusi COVID-19.
Kështu Bashkia Lezhë ka alokuar 80 milion lekë të reja, të cilat do t’i shtohen fondit të emergjencës, për përballimin e situatës së krijuar nga koronavirusi COVID-19.
Bashkia do të bëjë falje në masen 20% të vleres së përgjithshme të tarifes së shërbimit publik, për kategorit e taksapaguesve që nuk kanë të drejtë të ushtrojnë aktivitetin e tyre, referuar urdherit të Ministrisë së Shëndetësisë dhe Mbrojtjes Sociale, ndërsa edhe penalitetet për mos respektimin e rregullave për shërbimet nuk do jenë në nivelin maksimal.
Me këtë paketë ekonomike kryebashkiaku Pjerin Ndreu, thotë se synohet t’ju vihet në ndihmë të të gjithë kategorive taksapaguesish, duke nisur nga qytetaret e thjeshte dhe bizneset që operojnë në territorin e kësaj njësie vendore, për shkak se kjo periudhë izolimi ka sjellë vështirësi të shumta për të gjithë.
Po ashtu kjo njësi vendore ka vendosur shtyrjen e pagesave të të gjitha taksave dhe tarifave vendore deri më 30 qershor si dhe faljen e tarifave të shërbimeve publike për kategoritë e familjeve në nevojë për periudhen aq sa do zgjasë emergjenca e krijuar nga Covid-19.
Discussion about this post