Ministrja e Ekonomisë së qeverisë Rama, Milva Ekonomi, duke folur për situatën aktuale në vend dhe zgjedhjeve të 25 qershorit në një moment ngeli ngushtë.
Teksa po tregonte për investimet e reja në sektorin e ujësjellës-kanalizimeve në Durrës dhe po përmendte një linjë të re që do të lidhet, u ndërpre nga drejtuesi i emisionit të mëngjesit në News 24, Bashkim Hoxha.
“Po ne nuk na vjen ujë në çezmë. Qytetarët durrsakë s’kanë ujë zonja ministre”, tha Bashkimi.
Milva u detyrua të pranojë realitetin dhe e zënë ngushtë u shpreh: Po, e di që Durrësi nuk ka ujë. Me lidhjet që kemi bërë me Çermën dhe Fushë-Milotin, situata do të ndryshojë. Këto janë disa nga investimet që kemi bërë në këtë fushë. E di që s’ju vjen ujë në çezma, por gjendja do të përmirësohet”, – tha nga halli Ekonomi.
Më tej ministrja ka treguar se me reformën në drejtësi treguan një angazhim të madh, dhe një kokëfortësi shqiptare dhe që do të çohet deri në fund.
“Jo vetëm unë, por të gjithë ne që kandidojmë për listën e PS në Durrës përpiqemi të japim pjesë nga programi Shqipëria 2021. Ndalemi tek reformat e arritur dhe më pas tregojmë ato që duam të arrijmë. Në këto muaj kemi renditur punën tonë në 10 reforma. Me reformën në drejtësi treguam një angazhim të madh, dhe një kokëfortësi shqiptare, që e nisëm dhe dot a çojmë deri në fund. Me rëndësi është padyshim edhe reforma e re territoriale. Me interes ka qenë edhe reforma për rritjen e rolit të gruas. Jemi të ndërgjegjshëm për disa gjera që nuk i realizuam dot.”, u shpreh Ekonomi. (J.V/Shuplaka)
