Lory Del Santo ka dashur të komentojë ndarjen më të përfolur të momentit, atë mes Francesco Tottit dhe Ilary Blasi. Santo ka punuar së fundi me prezantuesen e “Mediaset” në emisionin “Isola dei Famosi”.
“Ajo është e bukur dhe e këndshme, shumë neutrale me konkurrentët, – tha Lory për një emission radiofonik. – Ndarja nga Totti? Pas 17 vitesh diçka mund të ngecë. Sidoqoftë, nëse ekziston një dashuri e sprovuar, mund të mbijetojë gjithmonë dëshira për t’u kthyer dhe për të eksploruar mënyra të tjera.
Kjo është e gjitha, është pjesë e konsumimit të një marrëdhënieje të bukur, por që mund të jetë ndryshkur pak dhe duhet vajisur…”
Lory nuk përjashtoi një kthesë të bujshme, që do t’i shihte Totti dhe Ilary sërish bashkë. “Çfarë mendoj unë për këto tradhti hipotetike? Mendoj se mund të ketë.
Tradhtia është pjesë e dëshirës për të shkelur dhe gjetur emocione të forta. Familja është gjëja më e bukur që ekziston, por në një moment të caktuar jeta mund të të rrëmbejë. Dikush mund të dëshirojë të gjejë dhe të bëjë gjëra të reja.
Pastaj, ndoshta ai pendohet dhe kthehet në ‘vathën’ e vet. Ndoshta ata do të kthehen së bashku, çdo gjë mund të ndodhë. Së pari ju pëlqen, pastaj gjëja e re shpërbëhet si krem pana”.
Discussion about this post