I ftuar në emisionin “Opinion”, ku po diskutohet për ngjarjen e trenit serb në Kosovë, analisti nga Prishtina, Baton Haxhiu është shprehur se ky ishte një skenar i Beogradit që simbolizonte pushtimin e veriut të Kosovës.
“Situata ishte e acaruar shumë, njerëzit ishin të shqetësuar dhe u dha një lajm se hekurudha është e minuar dhe policia duhej të kontrollonte hekurudhën deri në fund dhe e vetmja mundësi për të kontrolluar hekurudhën që të mos ndodhte diçka dhe të vinin trupat serbe. Mori vendimin me e mbrojt trenin që të mos hyjnë brenda”, u shpreh Haxhiu.
Haxhiu tha se shumë kohë më parë, shërbimi sekret serb, në zonën e Dukagjinit, në Kosovë, ka vrarë 7 të rinj serb me qëllimin për të provokuar një konflikt të armatosur mes shqiptarëve dhe serbëve. Ai, tregoi, se pas 11 vitesh, një fakt të tilë e ka pohuar edhe kryeministri i Serbisë, Aleksandër Vuçiç.
Një tren i linjës Beograd–Mitrovicë, me shkrime nacionaliste si “Kosova është Serbi”, u nis këtë shtunë nga kryeqyteti serb drejt qytetit verior të Kosovës. Autoritetet kosovare u vunë menjëherë në alarm. Presidenti Hashim Thaçi urdhëroi Ministrin e Brendshëm dhe Drejtorin e Përgjithshëm të Policisë të ndalonin mjetin të hynte në territorin e Kosovës.
Në veri të Kosovës dolën focat speciale ROSU duke dhënë idenë e rikthimit të luftës, ndërsa nuk munguan as kërcënimet nga Beogradi zyrtar. (A.R/SHUPLAKA)
Discussion about this post