Ish-deputeti Mark Frroku dhe nipi i ish-diktatorit Enver Hoxha, Ermal Hoxha, ishin dy prej të burgosurve që shprehën vullnetin e tyre përmes votës. Në qendrat e votimit brenda institucioneve ku ata janë burgosur, Frroku u shfaq i veshur me këmishë ndërsa Hoxha me bluzë dhe tuta sportive.
Gazeta “Panorama” që vëzhgoi nga afër procesin e votimit, shkruan se ish-deputeti Mark Frroku që nuk ka pranuar akuzat ndaj tij, ishte pjesë e grupit të parë të votuesve. Ai përshëndeti të pranishmit dhe teksa u fut në dhomën e fshehtë, tha: “I uroj secilit sukses tek logoja e vet. Në fund le të fitojë Shqipëria”.
Ai nuk e kurseu batutën kur pa që u fotografua, duke pyetur të pranshmit nëse kishte dalë mirë: “Hë, dola mirë? Po s’pata dalë mirë, rri prapë unë”, tha ai me humor.
Edhe nipi i ish-diktatorit Hoxha shprehu vullnetin e tij përmes votës. Kërkesës së anëtarëve për timbrimin e gishtit, (shenjës së zezë në gishtin e votuesit), ai iu përgjigj duke thënë se edhe sikur të donte nuk do të kishte ku të shkonte tjetër për të votuar.
“Edhe me dashur unë, nuk kam se ku votoj tjetër”, u tha Hoxha komisionerëve i buzëqeshur.
(XH.A/SHUPLAKA)
Discussion about this post