Për gati 2 orë kryeministri Edi Rama dëshmoi në komisionin hetimor të CEZ që drejtohet nga opozita. Ai mbrojti zgjidhjen e konfliktit me kompaninë çeke me mirëkuptim si zgjidhja më e mirë për Shqipërinë, duke u shprehur se qeveria çeke në 2013 kishte lënë të nënkuptohet dhe veton ndaj Shqipërisë, por pa e përmendur konkretisht.
Rama pohoi kishte folur dy herë me kryeministrin çek dhe i kishte bërë të çartë se me presion nuk do merrnin asgjë por se pala shqiptare ishte e interesuar për zgjidhjen e mosmarrëveshjes me marrëveshje pa shkuar në arbitrazh.
Por as këtë herë nuk kanë munguar batutat e kreut të qeverisë.
Teksa dialogonte me kreun e komisonit, demokratin Edmond Spahou, Rama u shpreh ndër të tjera se nuk e ka problem zhveshjen.
Rama: “Kur të dilni jashtë do thoni e kapëm, e zbërthyem, e zhveshëm e me rradhë. Unë as që e diskutoj këtë gjë. Por këtu meqë më keni mua më shfrytëzoni mua”.
Spaho: “Nuk zhveshim. Të jeni të sigurtë. Mos kini frikë”
Rama: “Mos ki merak se s’e kam problem atë punë”.
Batutë kjo që solli ilaritet në sallë. (A.R/SHUPLAKA)
