Sa më shumë kalojnë ditë aq më shumë flitet për largimin e Arjen Roben dhe Rafinja, nga radhët e skuadrës së Bayern-it të Mynich-ut.
Por kjo nuk ndodh me francëzin Frank Riberi për të cilin pavarësisht se është shfaqur mjaft interes nga disa klube mjat të njohura europiane, ai nuk ka pranuar që ta braktisë ekipin për të cilin luan duke thënë se, ka shpenzuar dy të tretat e karrierëss së tij tek Bayerni ku sipas tij kjo është një histori dashurie të cilën nuik dëshiron që ta përfundojë.
“Këtu kam shpenzuar dy të tretat e karrierës time, kjo mes nesh është një histori e madhe dashurie dhe nuk dua të përfundoj. I jam shumë mirënjohës këtij klubi që më pranon pa kushte. Nuk do ta tradhtoja kurrë Bajernin, duke zgjedhur një klub tjetër,”– u shpreh 35-vjeçari francez i cili ka vendosur që të rinovojë dhe të qëndrojë tek bavarezët.
Ylli francez është bërë pjesë e skuadrës së njohur gjermane që në vitin 2007 dhe zgjedh të mos e braktisë atë ndërkohë që klubi gjerman është duke përjetuar një ndryshim rrënjësor deku menduar të bëjnë një ridimensionim të ekipit.
Ditët e fundit janë shtuar zërat se do të ketë një largim nga Bayerni edhe të Humels dhe Boateng.
(F.GJ/FAXWEB.AL)
Discussion about this post