BDI: Ligji për gjuhën shqipe do të bëhet përpara formimit të qeverisë

Partia BDI ka bërë me dije se ligji për Gjuhën Shqipe do të miratohet përpara se të formohet qeveria që do të jetë në krye të Maqedonisë.

Në një prononcim për mediat maqedonase, Artan Grubi nga BDI deklaroi se deri tani janë zhvilluar tre takime kryesore, ku çështja themelore ka qenë platforma shqiptare dhe harmonizimi i dy partive për të qeverisur bashkë me pikat ku do të arrihet dakordësia.

Bashkimi Demokratik për Integrim ka si pikë të parë ligjin e Gjuhës Shqipe zyrtare në Maqedoni dhe votimin e saj përpara formimit të qeverisë.

”Ligji i gjuhës shqipe do të bëhet para formimit të qeverisë”, bëri me dije Artan Grubi. (XH.A/SHUPLAKA)