Tundimit të “Vilave të Lundrës”, një zone të njohur në kryeqytet, me vila të bukura, gjelbërim, e të përshtatura për një standard të lartë jetese nuk i ka shpëtuar as ambasadorja e Bashkimit Europian në Shqipëri, Romana Vlahutin.
Pas miliarderëve të Tiranës, ndër ta: biznesmenë, politikanë, ish-kryeministra dhe fëmijë ish-kryeministrash, ambasadorja Vlahutin ka blerë së fundmi rezidencën e saj në “fshatin e të korruptuarve” që ajo së bashku me ambasadorë të tjerë kanë denoncuar korrupsionin dhe emra të njohur që banojnë aty e cilësohen si të korruptuar dhe pengues të drejtësisë.
Bëhet fjalë për një kontratë noteriale të zbardhur nga grupi investigativ i gazetës “Dita”, ku vihet re se ka shumë gjëra që nuk përputhen.
Dokumentet zbulojnë se rezidenca e re e ambasadores Romana Vllahutin është blerë me fonde të Bashkimit Europian për plot 1 milionë e 649 mijë euro, duke u renditur ndoshta në top listën e vilave më të shtrenjta të “Rolling Hills”.
Dhe bëhet fjalë për një vilë me sipërfaqe 345 metra katrorë në një truall rreth 1600 metra katrorë. Krahasuar me çmimet e vetë “Rolling Hills” në faqen zyrtare del se BE e ka blerë me e kompleksit në fjalë.
Veç çmimit të fryrë, ajo që vihet re është se akti që shitja është kryer nga shtetasi privat L.D. i datëlindjes 1980, pra vetëm 35 vjeç dhe posedues pronash milionëshe.
Nga ana tjetër, nuk rezulton që selia e Bashkimit Europian në Tiranë të ketë kryer tender për këtë blerje. E nuk ka si të vihet re ky rast, nëse marrim parasysh se BE nuk blen vila për ambasadorët e vet, por përdor qiranë.
Për të kuptuar më tepër rreth kësaj afere korruptive, grupi investigues ka kontaktuar me një jurist që shprehet se duhet parë bazuar në çfarë rregullash zyra e BE-së në Tiranë ka vendosur të bëjë një blerje të tillë, pse vilë për ambasadoren dhe jo zyra, përpos faktit që duket e paprecedentë që një organizatë multinacionale blen prona në një shtet të caktuar.
Nga ana tjetër, Ministria e Drejtësisë nuk ka pranuar të prononcohet për rastin në fjalë. Nisur nga dyshimet që ngre kjo blerje, ngrihen disa pyetje, ku kryesorja është nëse Bashkimi Europian është pro apo kundër bashkëjetesës me korrupsionin:
BE do paguajë detyrime të përbashkëta në këtë fshat me të gjithë banorët e tij miliarderë, pra do bashkëjetojë me ata që ka akuzuar për korrupsion?
A mund BE t’i lejojë vetes blerjen e një pronë edhe më shtrenjtë se e blen një i korruptuar shqiptar, madje as e regjistron dhe as e deklaron këtë aset?
(XH.A/SHUPLAKA)
Discussion about this post