Zëdhënësja e Shefes për Politikë të Jashtme të BE-së, Federica Mogherini, ka reaguar kundër deklarimeve publike që krerët e dy shteteve bënë pas takimit të mbrëmshëm.
Përmes një deklarate me shkrim, Maja Kocijançic shprehet se gjatë takimit u ra dakord që të mos bëhen deklarata publike, me qëllim tejkalimin e tensioneve, por palët nuk i janë përmbajtur.
“Na vjen keq që kësaj nuk i janë përmbajtur të gjithë. Ju bëjmë thirrje që të tregojnë përmbajtje dhe të vazhdojnë me marrëveshjen e arritur dje”, ka thënë ndër të tjera në këtë deklaratë, Kocijançic.
Vetë Përfaqësuesja e Lartë e Bashkimit Europian, FederickaMogherini, ka shprehur keqardhjen që asnjëra prej palëve nuk i është përmbajtur dakordësimit të arritur në takimin në Bruksel. Ajo u shpreh se ka pasur shkelje të marrëveshjes nga të dyja palët pjesëmarrrëse në Bruksel. (XH.A/SHUPLAKA)
