Presidentja e Bashkimit Evropian Ursula von der Leyen u zotua sot se tarifat e SHBA-së për çelikun dhe aluminin “nuk do të mbeten pa përgjigje”, duke shtuar se ato do të shkaktojnë kundërmasa të ashpra nga blloku prej 27 vende.
“BE do të veprojë për të mbrojtur interesat e saj ekonomike”, tha Von der Leyen në një deklaratë duke reaguar ndaj vendosjes së tarifave të presidentit amerikan Donald Trump për çelikun dhe aluminin një ditë më parë.
“Tarifat janë taksa – të këqija për biznesin, dhe më të keqija për konsumatorët”, tha Von der Leyen.
“Tarifat e pajustifikuara ndaj BE-së nuk do të mbeten pa përgjigje – ato do të shkaktojnë kundërmasa të forta dhe proporcionale”, shtoi ajo.
“Nëse SHBA-ja nuk na lë zgjidhje tjetër, atëherë Bashkimi Evropian do të reagojë i bashkuar”, the kancelari gjerman, Scholz duke shtuar se në fund të fundit, luftërat tregtare gjithmonë i kushtojnë të dyja palëve prosperitet.
Trump do të vendosë tarifa për çelikun dhe aluminin e huaj me një taksë 25% me shpresën se ato do t’u japin prodhuesve vendas lehtësim nga konkurrenca intensive globale, duke i lejuar ata të tarifojnë çmime më të larta.
Ai vendosi tarifa të ngjashme gjatë presidencës së tij të parë, por masa dëmtoi marrëdhëniet me aleatët kryesorë të SHBA-së dhe rriti kostot për prodhuesit që blejnë çelik dhe alumin.
