Kryetari i Bashkisë së Tiranës, Erion Veliaj, ka prezantuar projektin më të ri të Bashkisë së qytetit të Tiranës. Të gjithë projektin, ai e ka prezantuar përmes një video, ku Veliaj shfaqet vetë për të zbuluar se për çfarë bëhet fjalë.
“Administratori i pallatit”, është projekti më i ri i bashkisë, i ndërmarrë për të zgjidhur shumë probleme të banorëve të pallateve.
Veliaj fton qytetarët që bëhen pjesë e vendimmarrjes për administratorin e pallatit, të bëhen pjesë e ndryshimit të madh për ta shndërruar Tiranën në një qytet me parametra europianë.
“Bashkëqytetarët e mi! Prej vitesh i kemi trashëguar tërë problematikat, e pallatit tonë, komunitetit tonë a lagjes tonë. Bashkia e Tiranës ka një plan konkret si këto mund të zgjidhen, një punonjës i bashkisë do të vijë shumë shpejt në derën tënde për të të ftuar që të jesh pjesë e vendimmarrjes për administratorin e pallatit.
Ky administrator i ri do të kujdeset për të gjithë hapësirën e përbashkët dhe do të zgjidhë shumë prej problemeve të komunitetit.
Dhe provat e para i kemi dhënë. Ka ardhur koha që dhe ti të bëhesh pjesë e këtij ndryshimi të madh për ta sjellë Tiranën në një qytet me parametrat europianë. Faleminderit!”, shprehet Veliaj.
(XH.A/SHUPLAKA)
Discussion about this post