Kryeministri Rama ka gjetur pak kohë për replika me komentuesit në rrjetet sociale edhe pas një dite me takime, siç ishte ky i sotmi me ministrin e Jashtëm gjerman, Sigmark Gabriel.
Kreu i qeverisë nuk ka nguruar t’u kthejë përgjigje qytetarëve ndërsa njoftonte për një intervistë televizive sot në media, ku në fokus do jenë zgjedhjet e 18 qershorit .
Mes komenteve spikat ai i një qytetari, i cili i kërkon Ramës një “nder”:
“Edi Ramaaaaaa bëji nji nder Shqiperise, vetëvritu!!!”.
Përgjigjja e kryeministrit ka qenë e menjëhershme, ku i shpjegon se këtë veprim ekstrem e bëjnë ultrasit dhe se ai nuk ishte i tillë.
Një tjetër komentues i kërkon Ramës që ta bëjë Shqipërinë si Gjermania, ndërsa kryeministri i ktheu përgjigje me humor. Të shumtë janë komentuesit që e vënë në siklet shpeshherë kryeministrit dhe vetë Rama po ashtu nuk nguron disa herë të përgjigjet. (M.D/ Shuplaka)
Discussion about this post