Zgjedhjet e Qershorit janë afër dhe kandidatët për deputetë kanë dorëzuar CV-të e tyre pranë KQZ-së. Në fakt i gjen të gjitha, nga shkollimet deri te angazhimet e tyre në shoqërinë civile apo veprimtari të tjera.
Po ama ka edhe nga ata deputetë që i ka gjetur ‘’belaja’’ me faktin që kanë punuar në kohën e diktaturës dhe postet që kanë mbajtur atëherë. Një prej tyre është edhe Gramoz Ruçi, i 9-ti në listën e PS-së në Fier.
Ruçi është diplomuar në bio-kimi dhe ka punuar si mësues në vitet e para të karrierës së tij. Po më pas gjatë viteve 1978-1990 ai ka qenë pjesë e Partisë së Punës.
Në CV-në e dorëzuar pranë KQZ-së, Ruçi e quan këtë periudhë si ‘’Nënpunës në organe pushtetare dhe partiake’’.
Kujtojmë se në vendin tonë nuk është vendosur një rregull që personat që kanë qenë pjesë e strukturave të regjimit komunist të mos lejohen të jenë më pjesë e politikës aktuale.
(E.K/SHUPLAKA)
Discussion about this post