Dyshja Mertens-Lukaku shkatërruan keq përfaqësuesen e Panamasë në pjesën e dytë të këtij takimi që u zhvillua në Sochi, duke shënuar tre gola fantastikë.
Panamaja u tregua e pathyeshme në fraksionin e pjesës së parë, që bëri të përfundonte me rrjeta të paprekura. Por, në fraksionin e dytë, të besuarit e Roberto Martinez erdhën furishëm në fushën e lojës, duke shkatërruar mbrojtjen e Panamasë me plot tre gola.
Porta e portierit, Penedo dhe e kombëtares së Panamasë u hap në minutën e 47’ pas një supergoli të shënuar nga Mertens. Megjithatë, nuk kaloi shumë dhe Romelu Lukaku dyfishoi shifrat pas një krosimi të akorduar në zonë nga De Bruyne në minutën e 69’, ndërsa në minutën e 75′ trefishoi shifrat përsëri ylli i Manchester United, duke lënë të shtangur portierin e Panamasë.
