Pas përfundimit të numërimit të kutisë së fundit në Qarkun e Fierit për zgjedhjet e fundit, drejtuesja politike e Partisë Socialiste për këtë qark, znj. Belinda Balluku, ka dhënë një mesazh falënderimi dhe besimi për të gjithë kontribuesit në këtë proces.
“Në përfundim të numërimit të kutisë së fundit, dua të shpreh mirënjohjen time të thellë për të gjithë komisionerët dhe numëruesit për punën e palodhur dhe të përkushtuar,” deklaroi znj. Balluku.
Ajo theksoi gjithashtu rolin e qytetarëve që morën pjesë në procesin zgjedhor dhe i besuan Partisë Socialiste: “Një falënderim i veçantë shkon për çdo qytetar që na mbështeti dhe që besoi në kauzën tonë.”
Duke shprehur vendosmërinë për të ecur përpara me forcë të re dhe më shumë angazhim, Balluku shtoi: “Bashkë vazhdojmë më të fortë, me më shumë besim dhe përkushtim për të ardhmen!”
Znj. Balluku ka vlerësuar Qarkun e Fierit si një zonë strategjike për Partinë Socialiste dhe është zotuar për vijimin e punës në terren dhe përmbushjen e zotimeve ndaj qytetarëve.
