Ka mjaftuar një deklaratë e kryeministrit Edi Rama në New York të SHBA-ve, kur ishte duke u intervistuar në galerinë e ekspozitës së tij të pikturave, që të ndizte debate në Tiranë e mes shqiptarësh.
‘’Studentët ishin të dehur kur dolën në rrugë’’, rrëfeu versionin e tij kryeministri shqiptar lidhur me protestat e studentëve që hodhën poshtë një sistem dhe sollën një tjetër.
Por kundërshtari kryesor politik i Ramës, Ben Blushi, i cili tani ka krijuar edhe një parti, ‘’Libra’’, bën një ironi të thekshme këtë fundjavë me kreun e partisë që ditë më parë ishte pjesë.
‘’Në lëvizjen e studentëve, sot Deliri na thotë se kishim pirë!’’, shkruan Blushi, duke e quajtur në mënyrë indirekte delirante, deklaratën e Ramës nga SHBA-të.
Në foton që tregon momente nga greva e studentëve shfaqet vetë Blushi me gazetarin Blendi Fevziu dhe janë kaq esëll sa qëndrojnë mirë në këmbë…
