Kryetari i LIBRA-s, Ben Blushi, zhvillon ditë pas dite takime me qytetarët dhe banorë në qytete të ndryshme të vendit në kuadër të fushatës elektorale për zgjedhjet e 25 qershorit.
Një prej ndalesave të tij ka qenë edhe qyteti bregdetar i Durrësit, ku ai është ndalur për t’u takuar, biseduar me qytetarët mbi programin e forcës së tij dhe pse jo për t’u fotografuar me ta.
Ajo që tërheq vëmendjen është një foto e një takimi të tillë me një qytetar që mendohet se është ish-kreu i bandës së Durrësit, i liruar prej disa muajsh nga burgu, Lulzim Berisha. Ky i fundit shfaqet krahas Ben Blushit, i veshur sportive dhe me syze.
Lirimi i tij para disa muajve u komentua gjëre e gjatë në seancat plenare për shkak edhe të garancisë që kryebashkiaku i Durrësit kishte dhënë për ta punësuar Lulzim Berishën në institucionin që drejton. Ben Blushi ka qenë njëri prej zërave kritikë të atyre seancave, që nuk i kurseu akuzat e tij mbi këtë lirim e garanci.
(XH.A/SHUPLAKA)
Discussion about this post