Kryetari i LIBRA-s Ben Blushi premton se do t’u ulë taksat shtresës së mesme të shoqërisë, pasi sipas tij kjo kategori është braktisur nga qeveria në këto katër vjet qeverisje.
Nëpërmjet një statusi në rrjetet sociale, deputeti u zotua se partia e tij do stimulojë bizneset invovative dhe do reduktojë tatimin mbi të ardhurat e mijëra profesionistëve.
Statusi i Blushit:
ME PAK TAKSA PËR SHTRESËN E MESME.
LIBRA ka vendosur të jete Fuqia e Shtresës së Mesme. Në Shqipëri shtresa e mesme është jetime dhe në gjithë këto vjet është braktisur duke u tkurrur dhe duke u varfëruar.
Partitë e Vjetra përfaqësojnë vetëm të pasurit në emër të të cilëve bëjnë ligje duke i futur dhe në parlament.
Ne do i ulim taksat për shtresën e mesme, do stimulojme bizneset invovative dhe do reduktojmë tatimin mbi të ardhurat e mijëra profesinistëve të shkolluar të cilët paguajne sot më shumë se pronarët e tyre. Një administrator kompanije sot paguan deri në 23 për qind taksë mbi pagën, ndërkohë që pronari paguan 15 për qind. LIBRA do ta përmbysë këtë padrejtësi qe takson dhjamin më shumë se trurin. (D.D/Shuplaka)
Discussion about this post