Ben Blushi u hakërrehet televizioneve: Kioska që shesin kohën për para, Rilindja 53 orë televizive, LIBRA 27 minuta

Kryetari i LIBRA-s, Ben Blushi, ka reaguar ashpër ndaj televizioneve të Shqipëride, duke i cilësuar si të shitura, të shpifura dhe të shëmtuara.

Për këtë koment, ai i referohet statistikave të shpërndarjes prej kohës kur ka nisur zyrtarisht fushata. Blushi shkruan se Rilindja ka marrë 53 orë televizive, PD duke iu drejtuar me “çadra” dalë në çdo dritare 31.3 orë, LSI 13 orë, ndërsa LIBRA 27 minuta.

Por ai shprehet se “këto kioska që shesin kohën për para do rrëzohen bashkë me klientët e tyre.

Reagimi i Ben Blushit:

DIÇKA PËR TELEVIZIONET E SHQIPËRISË, HELMI I PAGUAR ME TAKSA

A doni të dini sa të shitura, të shpifura dhe të shëmtuara janë televizionet e Shqipërisë? Shikoni statistikat e shpërndarjes së kohës qysh se ka nisur fushata zyrtarisht. Rilindja është transmetuar vetëm në lajme 53 orë, pa llogaritur çdo ditë dy orë live nga çdo katund i vendit. Çadra ka dalë në çdo dritare 31.3 orë, ndërsa LSI 13 orë. A e dini sa kohë ka marrë LIBRA? Vetëm 27 min. Këto kioska që shesin kohën për para do rrëzohen bashkë me klientët e tyre. Këto janë helmi i paguar me taksa.

(XH.A/SHUPLAKA)