Kreu i LIBRA-s, Ben Blushi, i ftuar në emisionin “Opinion” ka deklaruar se është i gatshëm të heqë dorë nga mandatet e deputetëve, në rast se fitorja e tyre është e pamerituar.
“Nëse unë dal me 50 deputetë në kurriz të dikujt, unë do i lë ato deputetë se e kanë të pamerituar. Nuk do marr asnjë votë që nuk e meritoj.”, është shprehur ai.
Sipas tij, të gjitha partitë politike duhet të marrin pjesë në zgjedhje më vete, për të provuar veten e tyre.
BISEDA:
Blushi: Besoj se duhet të shkojmë qoftë për të provuar që kjo është e vërtetë, që dyshimi jonë qënka i vërtetë. Ne duhet t’i marrim vendimet pas zgjedhjeve.
Fevziu: Mbas kriza shtyhet më shumë
Blushi: Po nuk ka rrugë tjetër, duhet ti marrim vendimet të nesërmen, duke parë cilësinë e zgjedhjeve, atë që do ndodhi me zgjedhjet dhe rezultatin e zgjedhjeve. Sot kjo është e pamundur, duhet të shkojmë në zgjedhje për të luftuar secili për bindjet e veta.
Fevziu: Po nëse nuk shkon opozita Blushi dhe ti del me 15 deputetë nga zgjedhjet, ty të duken shumë cilësore pastaj
Blushi: Nëse unë dal me 50 deputetë në kurriz të dikujt, unë do i lë ato deputetë se e kanë të pamerituar. Nuk do marr asnjë votë që nuk e meritoj. (D.D/Shuplaka)
