Një 31-vjeçar shqiptar është dënuar me 7 vite burg nga Gjykata e Landit të Frankfurtit. Mbi të riun rëndojn një sërë akuzim, si: përdhunim, marrje me prostitucion, trafikim me qenie njerëzore dhe shkaktim lëndimi trupor.
Po ashtu, eco-online.de shkruan se përveç shqiptarit është dënuar edhe kushëriri i tij 21 vjeçar. Ky i fundit është dënuar me 18 muaj burg me kusht për ofrim ndihme.
Sipas prokurorisë gjermane në landin e Frankfurtit, dy kushërinjtë shqiptarë ,në periudhën në mes viteve 2012 dhe 2014 kanë marrë me mashtrime të ndryshme tri femra të reja nga Shqipëria me qëllimin për t`i detyruar të merren me prostitucion në Gjermani.
Mediat gjermane shkruajnë se dy prej vajzave janë detyruar të ushtrojnë punën e prostituteve në bordele në regjionin Ruhr dhe në Hamburg. Paratë që ato fitonin ua jepnin dy djemve.
Edhe vajzën e tretë shqiptari është detyruar ta prostituojë dhe për këtë arsye e ka përdhunuar. Mirëpo vajza nuk ka pranuar t’i bindet. (D.D/Shuplaka)
Discussion about this post