Bashkia e Shkodrës, e udhëhequr nga kryetari Benet Beci, ka njoftuar fillimin e një serie projektesh transformuese për qytetin, me mbështetje të plotë nga qeveria. Në fokus të këtyre projekteve është përmirësimi i infrastrukturës publike dhe zhvillimi urban, duke krijuar hapësira moderne dhe dinjitoze për qytetarët dhe vizitorët.
Në këtë kuadër, po punohet në dhjetë kantiere, ndërkohë që priten edhe hapje të tjera kantierësh. Disa nga projektet më të rëndësishme përfshijnë krijimin e një memoriali për kujtesën historike dhe transformimin e sheshit Ebu Beker për besimtarët, me një fokus të veçantë në hapësira publike dhe parkimin nëntokësor. Bashkëpunimi i suksesshëm me Kishën Katolike dhe Myftininë është një tjetër aspekt i rëndësishëm i këtyre nismave
Benet Beci, kryetari i Bashkisë Shkodër: Me kryeministrin do shqyrtojmë nga afër një sërë punësh transformuese për Shkodrën. Me mbështetje të plotë nga qeveria dhe kryeministri, po hapim një faqe të re për qytetin tonë përmes ndërhyrjeve të mirëmenduara në infrastrukturën publike dhe zhvillimin urban. Në Shkodër po punohet sot në 10 kantiere dhe presim të hapim edhe kantiere të tjera. Vendi i Dëshmisë dhe Kujtesës , vendosur në qendër të qytetit në godinën që ka qenë Dega e Brendshme, ky vend do shërbejë si memorial dinjitoz për të gjithë ata që kanë vuajtur, me qëllim që qytetarët të mësojnë më shumë për atë që ka ndodhur në të kaluarën. Do kemi hapësirë për gjithë vizitorët ku të studiohet e kaluara në mënyrë më intensive
Falënderoj Kishën Katolike që ishin të gatshme që të kontribuojnë. Tjetër hapësirë publike që duhet transformuar është dhe sheshi i xhamisë Ebu Beker, që do krijojë hapësirë dinjitoze për besimtarët e Shkodrës. Ky projekt do përfshijë edhe parkimin nëntokësor e hapësirat tregtare. Dëshiroj të falënderoj Myftininë për bashkëpunimin në këtë projekt. Me bashkëpunimin me arkitektin Jezus Hernandez, jemi të sigurt që do krijojmë dy hapësira të bukura për qytetin.
