Pesë persona antarë të një bande shqiptarësh në Madrid, janë arrestuar nga policia pas një operacioni të koduar “Operation Butrov”.
Shtetasit, meshkuj të moshave nga 24 deri në 41 vjeç janë arrestuar pas grabitjeve të shumta të bëra në të gjithë territorin e Spanjës, ndërsa sipas raportimeve të mediave të huaja shtetasit ishin jo pak emra të njohur për drejtësinë spanjolle dhe se kishin urdhra ekspulsi nga Spanja. Gjatë arrestimit atyre iu janë gjendur dokumenta identifikimi false.
Operacioni i koduar, u krijua pas raportimit të shumë vjedhjeve në shtëpi dhe zona industriale në A Coruña. Për arrestimin e grupit u desh bashkëpunimi i forcave policore nga rajone të ndryshme të Spanjës pasi lëvizja e shpeshtë e bandës krijonte vështirësi në gjurmimin e tyre.
Sipas mediave, ajo çka pamundësonte arrestimin e tyre nga policia ishte strategjia që përdornin banda shqiptare kur përgatitnin vjedhjet. Gjëja e parë që bënin shqiptarët kur vendosnin objektivin e rradhës ishte marrja e një shtëpie me qera ku jetonin bashkë me shqiptarë të tjerë, për të shmangur dokumentimin e lëvizjeve të tyre nga policia.
Grupi ishte specializuar në vjedhje anijesh industriale, shtëpi dhe bankomate. Vjedhja e këtyre të fundit bëri që ata të binin në gjurmët e Gardës Civile. Grabitjet e bankomatëve ishin bërë në Madrid, Guipúzcoa, Ciudad Real dhe A Coruña.
Discussion about this post