Media spanjolle “Marca” jep detaje të reja lidhur me operacionin e zhvilluar nga Europol më 16 tetor ku është shpërbërë një grup shqiptarësh, të cilët akuzohen se kanë grabitur shtëpitë e yjeve të futbollit në Spanjë.
Mësohet se truri i grabitjes së futbollistëve të Real dhe Atletico Madrid është Marjan Zefi.
Sipas medias spanjolle, Zefi ka qenë pjesë e grupit që dhunoi dhe grabiti Joze Luis Morenon në vitin 2007, ku e qëlloi atë me sëpatë. Zefi asokohe ishte pjesë e grupit të Astrit Bushit, laçjanit që vrau edhe një polic të RENEA-s në vitin 2001, Altin Balozi.
Zefi dhunoi me një sëpatë yllin e televizioneve spanjolle, Joze Luis Moreno në 2007, i cili përfundoi në gjendje të rëndë në spital.
Yjet e Real Madrid, Atletiko Madrid si Karim Benzema, Alvaro Morato, Thomas Partey, Zinedine Zidane, Casemiro, e Isco, ranë pre e këtyre grabitjeve, ku nuk kanë munguar as vjedhjet e sendeve me vlerë si medaljet e Champions, ora të shtrenjta, kasafortë, etj. Europol publikoi pamjet e arrestimit të shqiptarëve, ndërsa mes tyre ishte edhe një spanjolle, e cila dyshohet se ka lidhje dashurie me njërin prej të arrestuarve.
