Beqaj për epideminë e gripit: Kemi disa raste të rënda në reanimacion (VIDEO)

Ministri i Shëndetësisë, Ilir Beqaj, njofton është ulur numri i pacientëve në spitalet e Tiranës, krahasuar me dy ditë më parë.

Në një lidhje telefonike për televizionin Ora News, ministri përmendi edhe disa raste të pacientëve në reanimacion, të cilët ndodhen në gjendje të rëndë.

 “Situata e gripit vazhdon të jetë e rënduar, në Tiranë në spitale ndoshta sot ka një ngarkesë më të ulët sesa para dy ditësh. Raportimet që vinë nga kujdesi shëndetësor parësor janë ende në numra të mëdhenj. Kemi ende prezencë të madhe të personave të moshave të ndryshme, kryesisht fëmijë dhe të moshuar që kërkojnë kujdes shëndetësor. Kemi disa raste në reanimacion që janë në gjendje të rëndë dhe po ndiqen. Deri dje kemi të konfirmuar dy fatalitete të sëmurëve kronikë që kanë pasur dhe grip. Që nga dje ka filluar aplikimi i vaksinave” ishin fjalët e Beqajt. (D.D/Shuplaka)