Ministri i Shëndetësisë Ilir Beqaj reagon përmes një njoftimi lidhur me një video të publikuar sot në media, ku një i sëmurë shfaqet i shtrirë në rrugë, dhe mjekët nuk i japin asnjë ndihmë.
Beqja e përgënjeshtron këtë lajm duke paraqitur një pasqyrë krejt ndryshe të ngjarjes.
“E vërteta është krejt ndryshe.Siç edhe mund të verifikohet fare lehtësisht nga video e regjistrimit elektronik të shërbimit të urgjencës nëpërmjet sistemit GPS të aktivitetit të lëvizjes në terren të autoambulancës “TR 9925 K Urgjenca e Tiranës”, thirrja është marrë nga centrali i shërbimit të urgjencës mjekësore në orën: 12h38m12s, dhe autoambulanca e shërbimit mjekësor të urgjencës mbërritur në vendngjarje në orën 12h41m51s.
Pra, siç mund të shihet qartësisht, autoambulancës i janë dashur 5 minuta, dhe jo 40 minuta siç raportohet në shkrimin e sipërpërmendur, për të mbërritur në vendodhjen e personit në nevojë pas marrjes së thirrjes.”, shkruan ministri.
Përveç kësaj, Beqaj thotë që qytetari I shtrirë përtokë kishte vdekur, prandal edhe mjekët nuk e kanë lëvizur nga vendi për shkak të protokollit që e ndalon një gjë të tillë, për të mos dëmtuar provat në vengjarje.
“Bashkëlidhur njoftimit, do të mund të gjeni kopje elektronike të videos praktikës së gjurmimit me sistemin GPS të instaluar brenda autoambulancës për rastin në fjalë.
Së fundi, qytetari në fjalë është gjendur i vdekur, dhe sipas protokollit, në të tilla raste, i vdekuri nuk lëvizet nga vendi i ngjarjes deri në mbërritjen dhe kryerjen e procedurave nga ana e strukturave të Policisë, me qëllim që të mos dëmtohen provat në vendin e ngjarjes. Në këto kushte, është pritur mbërritja e Policisë dhe ekipi i urgjencës mjekësore është larguar.”, shton Beqaj.
Discussion about this post