Kryeministri Edi Rama i ka besuar qarkun e Shkodrës Ilir Beqjas, i cili ka paralajmëruar se do të ketë ndryshime të tjera në qeveri. Në një intervistë, Beqja ka konfirmuar se ekskluziviteti sa i përket detajeve të reja i përket vetëm kryeministrit.
Në një intervistë për RTSH, Beqja u shpreh se edhe pse jemi 7 muaj para fushatës zgjedhore, nuk e përjashton ndryshimin e grupit qeverisës por shton se nuk ka informacion se cfarë ka në këndvështrimin e Ramës.
“Kemi pranuar prej kohësh që propozimet për ndryshime të jenë ekskluziviteti i kryeministrit. Është ai që ka panoramën e plotë dhe ndryshime kanë ndodhur kur ai i ka gjykuar të nevojshme dhe ky është një moment reflektimi. Nuk mund ta përjashtoj por nuk kam asnjë informacion se çfarë ka në këndvështrimin e tij Rama.
Për mua, ka dy momente, kanë ngelur 7 muaj realë para fushatës. Një ndryshim në 7 muajt e fundit do kishte kohën e vet të adaptimit të ndryshimit që mund të krijonte edhe ai problemet e veta, në funksion të mbylljes së vitit, apo përshtatja me normalitetin e ri krijon problemet e veta.
Vlen për tu përmendur shprehje për ndryshimet “në një botë që ndryshon, ndryshimi është konstant. Pra në kushtet kur gjithçka po ndryshon prej covid, s’ka pse të përjashtohet edhe ndryshimi i një grupi qeverisës”, tha ish ministri i Shëndetësisë. (A.M/Faxweb.al)
