Një 19-vjeçare në Berat ka bërë kallëzim penal për një 31-vjeçar duke e akuzuar se ka dashur ta trafikojë drejt Italisë.
31-vjeçari me iniciale DH.S, banues në Berat, është nën akuzën e trafikimit të personave të rritur nga policia e Beratit e cila ka nisur procedim penal në gjendje të lirë për të.
Njoftimi i plotë:
Drejtoria Vendore e Policisë Berat
Seksioni për trafikun e paligjshëm
Më datë 21.09.2017, nga Seksioni për Trafikun e Paligjshëm, filloi procedimi penal në gjendje të lirë për shtetasin Dh.S, 31 vjeç, banues në Berat, pasi në bazë të kallëzimit të bërë nga shtetasia J.K, 19 vjeçe, banuese në Berat, dyshohet se shtetasi Dh.S ka tentuar për ta trafikuar dhe shfrytëzuar për prosititucion në shtetin Italian. Materialet i kaluan Prokurorisë së Rrethi Gjyqësor Berat, për veprat penale ”Trafikimi i personave të rritur” dhe “Heqja e pa ligjshme e lirisë”, parashikuar nga nenet 110, 110/a dhe 22 të Kodit Penal. (B.H/Shuplaka)
