Berat Buzhala paralajmëron dhunimin e tij nga njerëzit e Thaçit: Le të jetë publike që të mos rrezikohen njerëzit e tjerë

Gazetari i njohur nga Kosova, njëherësh administrator i “Gazeta Express” dhe televizioni “T7”, Berat Buzhala, ka reaguar pas dhunës së ushtruar nga Gani Thaçi, ndaj dy drejtorëve të kompanive të sigurimeve në Kosovë, përkatësisht Blerim Pushkollit, drejtor i Byrosë Kosovare të Sigurimeve dhe Gianni Sokolic, drejtor i “Illyria Insurance”.

Me anë të një postimi në rrjetet sociale, Buzhala shprehet se Presidenti Hashim Thaçi, po ushtron presion të vazhdueshëm ndaj medieve, posaçërisht ndaj atyre që drejtohen prej tij, ndërsa shton se është po përgatitet për të përballuar ndonjë sulm fizik ndaj tij.

“Unë jam përgatitë fizikisht edhe psikoligjikisht me më rrehë Presidenti, ose dikush me urdhër të tij, për shkak që nuk është i kënaqur me raportimet tona në Gazeta Express dhe T7”, shkruan Buzhala.

Sipas tij presioni që po ushtrohet është i tmerrshëm.

Postimi i plotë:

Njoftim:

Une jam pergatite fizikisht edhe psikoligjikisht me me rrehe Presidenti, ose dikush me urdher te tij, per shkak qe nuk eshte i kenaqur me raportimet tona ne Gazete Express dhe T7:

Presioni qe po ushtrohet ne drejtim te mediave, e posacerisht ndaj medias ku une punoj, nga Presidenti Thaci, dhe njerezit e tij, eshte i tmerrshem. Te gjithe njerezit e politikes qe i kam ne listen e miqve ne FB le ta marrin kete si nje njoftim zyrtar. Le te mbetet e shenuar, le te mbetet fjale publike, ky postim i imi, ne menyre qe te mos thuhet qe nuk e ke paralajmeru. Ne menyre qe mos me i rreziku personat tjere, ndaj te cileve po ushtrohet presioni, po duhet me qene jotransparent.

Per cdo rast po i bej tag disa nga politika, duke perfshire qeverine, kuvendin dhe presidencen: Vjosa Osmani-Sadriu(deputete), Naser Rugova(deputet), Ilir Deda(deputet), Abelard Tahiri(minister), Uran Ismaili(minister dhe nenkryetar i PDK’se), Daut Haradinaj(deputet), Vlora Citaku(ambasadore ne SHBA), Artan Behrami(Presidence), Endrit Shala(minister), Bilall Sherifi(deputet), U.S. Embassy Prishtina, Kosovo, German Embassy Prishtina, British Embassy Prishtina, Italian Embassy Prishtina.

(B.B/ Faxweb.al)