Burime zyrtare nga policia e Beratit bënë me dije se shtetasi me inicialet B. Gj, banues në Berat ka rënë në pranga pasi akuzohet për trafikim të veprave të artit dhe kulturës.
51-vjeçari u kap teksa transportonte disa vepra arti.
NJOFTIMI I POLICISË:
Sektori për Hetimin e Narkotikëve dhe Trafiqeve në Drejtorinë Vendore të Policisë Berat, në bazë të informacioneve të siguruara në rrugë operative, ka bërë arrestimin në flagrancë të shtetasit:
B.Gj, 51 vjeç, banues në Elbasan.
Arrestimi i këtij shtetasi u bë pasi më datë 11.09.2017, u kap duke transportuar me automjetin në pronesi të tij, disa sende të dyshuara si vepra arti.
Në cilësinë e provës materiale iu gjetën dhe sekuestruan:
1 shpatë antike,
1 pistoletë e vjetër,
statuja,
papiruse si dhe vepra arti të tjera.
Materialet i kaluan Prokurorisë së Rrethit Gjyqësor Berat, për veprën penale “Trafikimi i veprave të artit dhe kulturës”, parashikuar nga neni 138 /a i Kodit Penal. (B.H/Shuplaka)
Discussion about this post