Në seancën e sotme parlamentare, ish-kryeministri Berisha ka lëshuar akuza të rënda ndaj kryeministrit duke u shprehur se nuk do të ketë hapje negociatash, kjo për shkak se shqiptarët po largohen jashtë vendit, ku sërish fajtor mbetet qeveria.
Por pas kësaj, ai ka akuzuar rëndë dhe vëllain e kryeministrit Olsi Ramën, si edhe ministrin Tahiri.
“Olsi Rama, me makinën e Gentian Gjonajt është përfshirë në trafik kokaine. Kam pas dalje kufiri me data”, tha Berisha.
Pas kësaj ai foli edhe për takimin e kryeministrit me Emiljano Shullazin, para se ky i fundit të arrestohej.
“Hapi lajmin në mbarë Shqipërinë për negociata në nëntor, tha ky do jetë nëntori i katërt, pas Ismail Qemalit e të tjerëve, po ky do njihet si nëntori i drogmenit të shqiptarëve. Cili ishte nëntori lakuriq, jo si në plazhe, por si i zi që është, ku iu përveshën të gjitha një më një. Ky ishte sukses i madh. Kur e pyesin për ligjin e dekriminalizimit, prishet në fytyrë e thotë që në grupin tim nuk ka asnjë.
Prokuroria e ka njoftuar se ka disa vrasës, jo një, janë të njohur. Këto ditë ka emëruar këshilltar kombëtar të antiterorrit, Agron Sojatin, i larguar nga detyra e policisë me shkelje dhe abuzim në detyrë. Ai është shkarkuar nga Haki Çako, për abuzime. Thuhet se është pezulluar edhe disa herë nga puna, i është nënshtruar procedimit disiplinor, i është ulur grada si pasojë e masave disiplinore.
Kur e pyetën si u bërë ti ministër Arben Ahmetajn, se nuk ke kontribut në PS? Ai i tha unë kam trajsën më të madhe për Edi Ramën.
Ky zotëri, Sojati, paguan më shumë. Është e thjeshtë fare. Aty është instaluar makineria e numërimit të parave. Harrojeni se ka integrim, dhe çdo shqiptar që kërkon të rikthejmë shpresën, çdo shqiptar që e quan tragjedi kombëtare eksodin masiv të qytetarëve, nuk do ta lejojë këtë. Rama nuk lejon zgjedhje as në partinë e tij, por qytetarët në zgjedhje do t’i tregojnë vendin”, tha Berisha. (D.D/Shuplaka)
Discussion about this post