Berisha numëroi ato që, sipas tij, janë gënjeshtrat e kryeministrit Rama.
“Rriti me 24% çminin e energjisë, 24 lekë çmimin e taksën e qarkullimit dhe me 40 lekë paketën e cigares. Premtoi se do t’iu heqë biznesit taksën, I dy-tre fishoi taksën nëpërmjet qerasë, taksës së energjisë, taksës së qarkullimit. Nuk lëvizi asnjë qindarkë nga tvsh-ja e shportës së ushqimeve. Premtoi se do të paguajë deri në pesë rroga nuk iu dha qytetarëve as shpërblimin. Sot çdo qytetar merr 12% më pak se vitin 2013.
Premtoi riumbursim korrekt të TVSH-së, sot rimburson 20% më pak se qeveria e mëparshme në muajin e fundit të saj. Premtoi rritje të të ardhurave buxhetore dy-fishoi taksat. Rriti taksat doganore, ndërsa doaganat kanë sot 60 milionë dollarë me pak të ardhura. Premtoi se do të ulë TVSH-në e energjisë me 6% e rriti me 24% dhe detyron fukarenjtë të paguajnë njësoj si kryeministri.
Ish-kryeministri e akuzoi pasardhësin e tij se nuk ka mbajtur as premtimin për dëmshpërblimin e ish të përndjekurve politikë. Sipas tij, Rama nuk ka shtruar asnjë kilometër rrugë, nuk ka ndërtuar asnjë shkollë dhe asnjë spital pasi, sipas Berishës, e ka mendjen vetëm të vjedhë.
“Në qoftë se e shihni këtë buxhet, ky është mburoja e rrënimit tuaj 4-vjeçar”, mbylli fjalën e tij Berisha.
